Awa’ up in the hills near the place “Cock-ma-Lane”
Was a great rowth o’ watter wi’ nae place tae gang
So fower wee burns set aff on their ain wee ways
Frae the North tae the Sooth through the Glens and the braes.

The first ane tae gang said, “I’ll airt awa East,
I’ll gang by “Glen Whopple” and travel on fast,
Then I’ll mak awa’ Sooth at the old Campsie Road
And doon “Craigen Glen” past Jessie’s abode.

Then doon by “Barmillans” and mak for the “Plum”
Tao meet the “Red Burn” wha has come frae “Glen Wine”
It slipped doon by the “Langshott” an’ roon by “John Nairn's”
We’ll foregathcr thegithcr and dance on like twa bairns.

We’ll gang roon' by “Bowbank” and syne tae the “Dales”
We’ll catch the “Mill Burn” that roon’ “Meadowbank” sails,
Then race tae the “Kelvin” and on tae the “Clyde”
Whaur the “Queens o’ Clydebank” sailed doon in sic pride.

The “Shaw” Burn it started abune “Barraston Glen”
And wimpled on doon by the wee “Red-tiled Clachan”
Where ance on a day was muckle dancin’ and daffin’
And naething noo stands but an odd gable en’.

It ran awa’ East tae the Sooth o' “Bar en' ”
Then danced on wi' glee tae that wee place “Balgrochan”
Then on tae the “Mill” tae ca' the “Mill Wheel”
Whaur in days o’ Lang Syne they made “Ferrie’s Oat Meal”.

Anither wee branch o’ the noted “Shaw Burn”
Awa’ roon the “Tower Glen” it taks a bit turn
Roon the back o’ the “Torrance” and syne tae the Smiddy
And bye the “Auld Toll” tae that spot daurk and shady
Whaur it meets wi’ the “Kelvin” and adds tae its strength
Tae sweep tae the “Clyde” and the ocean at length.

The Last Burn o’ a’ starts abune “Mealy Brae”
It runs awa’ West an’ maks for the “Lynn”
Then doon by Blairskaith tae the wee “Fluchter-Schule”
Then doon by the "Brenziet” and brae “Laverockhill”
An’ syne at the “Kelvin” its watters disgorge
Tao meet wi’ its fellows that forward do surge.

Its afton we hear o’ the Great River Clyde
Whaur the ships o’ all nations sae stately they glide
If it werena for burns like the fower that I mention
“The Clyde” wadna’ reach sic a famous dimension
The moral, my freends, be we sma’, be we great,
We’re a’ needed here whatever oor state.